::FYRSTU SKÓLADAGARNIR::

Núna er fyrsta skólavikan búin. Fyrsti skóladagurinn var þó smá undarlegur. Mér fannst alveg gaman í skólanum, nema sundið. Það var bara verið að sýna okkur allt, og svo þurftum við að standa í RÖÐ. Næsta dag fengum við að leira stafi, það var nú skemmtilegt. Í dag fór ég svo í fyrsta gítartímann. Í kvöld, eða morgun, fæ ég svo gítar. Ég hlakka svoooo til, amma og afi eru svo góð að gefa mér hann í afmælisgjöf, þau eru sko góóóóóð. Jæja, ég er smá óþolinmóður núna. Er hjá mömmu í vinnunni og það er ekkert spes, engir traktorar, gröfur eða neitt til að leika sér í.

Heyrumst,

Kv. Dagur Smári skólatöffari

HALLÓ

Jæja. Það er náttúrulega aaaaalt of seint síðan skrifaðar hafa verið af mér fréttir. Það hefur svakalega mikið drifið á daga mína síðan síðast. Ég er alveg svakalega duglegur í tónlistarskólanum, en satt best að segja verð ég nú feginn að hætta að æfa á þessa blessaða blokkflautu. Hún er hreinlega ekki nógu töffaraleg. Eftir miklar samningaviðræður hef ég fengið mínu framgengt, og það verður sko kassagítar næsta haust. Íhaaaaa....ég færist alltaf skrefi nær rafmagnsgítarnum. Hehe...lífið er skemmtilegt. Ég er líka byrjaður á sundæfingum, það er rosa skemmtilegt. Kannski er skemmtilegast við það að þá slepp ég fyrr heim úr leikskólanum 3 daga í viku....en ekki segja :) Hvað um það, haldiði svo ekki að ég hafi keppt í mínu fyrsta sundmóti um helgina. Það var náttúrulega tær snilld. Ég synti alveg úr djúpu og yfir í grunnulaugina, og naut aðstoðar korks. En yfir komst ég ó já....Mér fannst þetta alveg ægilega skemmtilegt, brosti mínu blíðasta, enda átti ég fuuuuuult af aðdáendum; mamma, pabbi,  Rakel og litli brósi, Eygló, Stína, Nóni og auðvitað amma líka. Ég var sko flottastur, það fannst þeim að minnsta kosti. Svooooo fékk ég m.a.s. pening fyrir þátttökuna, ég var sko rogginn með hann...

Jamm...svo erumÉG, Stína og Nóni búin að kaupa okkur jörð. Ogggg duduruuuuuu....þangað koma sko rollur í haust. Ég er nokkuð viss um að ég fæ eina....verð að vera duglegur að safna mér fyrir einni rolluskjátu svo ég eignist nú lömb og svona.

Jæja, það er vafalítið hellingur sem ritarinn er að gleyma. En það verður bara sagt frá því síðar.

Þangað til næst....:)

Jahjérnahjér. Það er bara komið nýtt ár. Ég fékk helling af jólagjöfum og bara allt sem ég hafði óskað mér. Hlaupahjól og rafmagnsgítar og maaaaaaargt maaaaargt fleira. Annars hefur heilmikið gerst undanfarið. Haldiði ekki að hann brósi minn sé byrjaður á leikskólanum. Ó já….það er tær snilld. Núna sé ég hann á hverjum degi J … auðvitað verður maður að sýna honum hvernig maður hagar sér á leikskólanum. Það er til ein svaka góð mynd af okkur bræðrum uppi á leikskóla þar sem ég er að drösla honum eitthvað um á náttfatadeginum hehehe. Jamm og svo er ég byrjaður í tónlistarskólanum. Mér finnst þetta alveg ágætt þó að helst af öllu vilji ég byrja á rafmagnsgítar. Svona er þetta samt…fyrst blokkflauta….kannski piano næst…..kassagítar og svo rafmagnsgítar (skrítið….ekki rafmagnsgítar fyrr en búið að prufa ÖLL önnur hljóðfæri). Og síðast en alls ekki síst þá er ég á leiðinni í skólaheimsókn á morgun. Ég er orðinn svoooo stór. Næst verður það svo gistingin í Dæli og bara púfff…..stóri skólinn. Mikið líður tíminn nú hratt…

Jæja, bless í bili J

JÓLA JÓLA

Halló. Af mér er allt gott að frétta og lífið gengur sinn vanagang. Ég pæli mikið í lífinu og tilverunni og hef margt að segja eins og gerist og gengur hjá 5 ára púka eins og mér. Það er svaka gaman í leikskólanum, en mér finnst samt ljúft þegar það koma helgar ;) Ekki smá svo gleyma að það eru að koma jól. Mömmu finnst ég nú samt ótrúlega rólegur yfir því. Hef þó ákveðnar skoðanir á því hvað mig langar í jólagjöf. Hlutir eins og hlaupajól, rafmagnsgítar, traktor með skóflu og alvöru dótamótorhjól eru þar efstir á lista. Mamma ætlar að taka sér frí á milli hátíðanna svo við getum haft það notalegt. Það verður ágætt að komast í smá auka frí frá leikskólanum og svo kem ég tvíefldur til baka....fóstrunum vafalítið til mikillar gleði og ánægju hehe. Eftir áramót byrja ég líka í tónlistarskólanum. Þrátt fyrir að ég vilji byrja á rafmagnsgítar, verður fyrsta hljóðfærið mitt samt blokkflauta. Ég ætla að sjá hvernig gengur, en áður en langt um líður verð ég samt ábyggilega búinn að sannfæra mína nánustu um að rafmagnsgítar sé málið ;)