Við erum systkinin Guðjón Steinn og Silja Kolbrún
Velkomin á heimasíðuna okkar


Um okkur systkinin:
Halló allir!!! Ég er stór og sterkur strákur sem fæddist á Skejby Sygehus þann 26. ágúst 2004. Ég var 4110 gr. eða rúmar 16 merkur og 54 cm þegar ég fæddist. Litla systir mín fæddist á þessu sama sjúkrahúsi 14.september 2006. Hún var 5050 gr. eða rúmar 20 merkur og 57 cm þegar hún fæddist.

Við erum afskaplega kát og glöð systkini og yfirleitt mjög góð við hvort annað. Við erum bæði á leikskólanum Vesturberg í Keflavík.

Mamma okkar heitir Sigrún Svafa Ólafsdóttir frá Svínafelli í Öræfum og pabbi okkar heitir Skúli Freyr Brynjólfsson frá Hoffelli í Hornafirði. Við fjölskyldan búum í Keflavík. Mamma og pabbi eru bæði að vinna í Myllubakkaskóla.




Annað:
Ég var nefndur skömmu eftir að ég fæddist eins og venjan er hér í Danmöku, en var svo skírður þann 26. desember heima á Íslandi. Mamma og pabbi gáfu mér nafnið Guðjón í höfuðið á frændum mínum tveimur, Guðjóni ömmubróður mínum í Svínafelli og Jóni Páli langömmubróður mínum frá Svínafelli. Þeir eru miklir heiðursmenn og það var reglulega gaman að hitta þá heima á Íslandi um jólin. Svo heiti ég Steinn eftir tveimur langöfum mínum, Steini Einarssyni, pabba hennar ömmu Ingibargar og Þorsteini Jóhannssyni, pabba ömmu Pöllu. Þeir eru báðir komnir til himna en ég er viss um að þeir fylgjast með mér samt. Ég er hæstánægður með nafnið mitt, mér finnst það bara klæða mig ljómandi vel.

Litla systir var líka nefnd stuttu eftir að hún fæddist en hún verður skírð heima á Íslandi um jólin eins og ég. Mamma og pabbi völdu á hana tvö falleg nöfn sem þeim fannst hæfa henni vel. Silja er nafn sem þeim hefur lengi fundist fallegt og eftir miklar vangaveltur fannst þeim Kolbrún passa best sem seinna nafn. Hún er líka alsæl með nafnið sitt og ber það vel.
Þú ert gestur nr. 57343