Jæja veikindasagan var víst ekki búin... því eyrnabólga 3 og 4 runnu saman líka... Katla Fönn náði einum degi hjá Helenu dagmömmu eftir sýklal. nr. 2 og var þá aftur orðin veik... fékk 3 skammtinn og tíma hjá háls., nef og eyrnalækni sem sá að það var enn bullandi bólga í eyrunum. Á meðan 3 skammturinn var að virka náði Katla Fönn næstum viku hjá Helenu - hún kláraði sýklalyfin á miðvikudegi og á föstudag var hún aftur komin meðhita. Sem betur fer komumst við strax að hjá eyrnalækninum og hann sá að það var enn bólga og því fékk Katla Fönn 4 skammtinn og svo fær hún tíma hjá doksa daginn sem sá skammtur klárast - vonandi verður þetta nú komið þá ... Læknirin vildi drífa rör í dömuna en því miður komst hún ekki að í þessari viku og næsti röratími er ekki fyrr en í apríl og því vill hann sjá til með rörin.

Annars er lítið að frétta af okkur - veikindinn lita nú allt hjá okkur - erum bara búin að vera mest heima síðasta mánuðinn - það var fyrirhuguð Reykjavíkurferð í vetrarfríinu okkar Einars Húma en urðum að fresta henni vegna veikinda - ætluðum helgina á eftir en þá var Valur farinn á sjó þannig að það verður að bíða betri tíma.

Katla Fönn  komin með einn jaxl  og einn á leiðinni - gott að nýta geðvonskuna í veikindunum í tanntöku...

Katla er ekki farin að labba - gengur með öllu og vil vera stöðugt í gönguferð en þarf þá einhvern með sér. Áður en hún byrjaði í þessu veikindastússi tók hún dag og dag þar sem hún var dugleg að labba á milli okkar, stundum langar leiðir en eftir að hún veiktist teygir hún sig ekki einu sinni á milli hluta.  Ég sá áðan að ég hef skrifað 7. apríl að Einar Húmi væri farinn að labba þannig að hún hefur smá tíma enn til að vera á undan honum. En ef ég man rétt þá var hann mjög lítið í því að æfa sig eitthvað eins og hún er búin að vera að gera í nokkra mánuði... hann var mun varkárari en hún... en sennilega hafa eyrnabólgurnar eitthvað að segja - jafnvægið er nú víst í eyrunum á okkur...

Allt fínt að frétta af Einari Húma - hann vill helst alltaf vera í tölvunni en fer í fótbolta og út að leika við strákana þegar það er ekki í boði. Honum fer stöðugt fram í gítarspili og á mjög auðvelt með að læra ný lög - mætti reyndar alveg vera duglegri að æfa sig - en honum finnst óþarfi að spila það sem hann kann.....

Jæja nóg í bili - kveðja

Eyrnabólga 1 og eyrnabólga 2 runnu saman... Það var ekki liðnir nema nokkrir dagar frá því Katla Fönn kláraði sýklalyfjaskammtinn og hún fór að fá hita aftur. Valur fór svo með hana til læknis 24. febr. og þá var hún með eyrnabólgu og inflúensu. Hún var með hita alla síðustu viku en er núna að jafna sig. Vonandi að þetta pestavesen sé bara búið... byrji ekki aftur um leið og hún fer aftur til dagmömmunnar. Katla Fönn er mjög leið á því að vera svona inni og nær mjög reglulega í kuldaskóna sína og byður um að fara í þá til að komast út. 

jæja - eitthvað gengur nú illa að skrifa í vefdagbókina - sama hvað ég lofa - það líður alltaf lengra og lengra á milli færsla...

Des: Ég byrjaði að vinna aftur í byrjun des. en sem betur fer var Valur kominn heim til að vera með Kötlu Fönn. Einar Húmi hélt upp á afmælið sitt helgina fyrir afmælisdaginn og bauð bekkjarbræðrum. Það var svaka stuð í afmælinu, ansi hressir drengir sem mættu..... svo var haldið upp á afmæli þeirra systkina 19. des og komu fjölskylda og vinir. Katla Fönn var dugleg að rífa upp pakkana og þau skemmtu sér mjög vel og áttu góðan dag. Aðfangadagur gekk vel - Katla Fönn sat stillt og góð upp í sófa og tók upp sína pakka og beið róleg eftir því að fá nýjan og nýjan. Hún var samt mest hrifin af tátiljum sem hún fékk í fyrsta pakkanum. Það var búið að sauma augu, eyru og skott á tátiljurnar þannig að þær litu út eins mús - ótrúlega spennandi. Allir voru voðalega glaðir með gjafirnar sínar og áttum við gott kvöld með Hallgrími og Önnu Dögg og svo kom amma Bára þegar hún var búin að vinna kl. 12:00. Áramótunum eyddum við hjá ömmu og afa í KJarnagötu en fórum heim til að sprengja. Katla Fönn var mjög hrifin af sprengjunum en samt svolítið hrædd.

Jan: Við Valur skelltum okkur til Boston í byrjun janúar og vorum í burtu í 6 daga og fluttu amma og afi í KJarnagötu inn á meðan og sáu um börn og heimili - auðvitað gekk það mjög vel og foreldrarnir skemmtu sér konunglega í USA. Katla Fönn byrjaði svo hjá dagmömmu 17. febrúar. Dagmamman heitir Helena og er Katla Fönn voðalega hrifin af henni og hinum krökkunum. Hún "hleypur" í fangið á Helenu á hverjum degi en er líka voðalega kát þegar við komum að sækja hana. 

Feb: Katla Fönn byrjaði aftur á sundnámskeiði og finnst voðalega gaman. Hún komst reyndar ekki í síðasta tíma því hún fékk eyrnabólgu sem er nú vonandi að fara.

Katla fór um allt á rassinum - sat með iljar saman og dró sig áfram - núna eftir að hún byrjaði hjá dagmömmunni hefur hún verið að þróa það yfir í venjulegt skrið því það er teppi á gólfinu hjá dagmömmunni og því mjög erfitt að draga sig áfram - og í dag skreið KF um allt hérna í venjulegu skriði þannig að það er hægt að segja að hún sé byrjuð að skríða... Það er ekki langt síðan KF fór að standa upp sjálf - en langt síðan hún gat labbað meðfram öllu. Hún er mjög taugaveikluð í kringum labbið - hún getur alveg labbað um allt - en þorir því ekki - ef maður labbar fyrir framan hana getur hún labbað út um allt - og það hafa komið stundir þar sem hún tekur sig til og labbar -en verður yfirleitt svo hrædd að hún hættir fljótlega... 

Einar Húmi er alltaf í tölvunni.... eða svona þegar hann fær að fara í hana sem er auðvitað ekki nægilega oft og mikið... svo skellir hann sér út í fótbolta þess á milli.  Einar Húmi er mjög duglegur að leika við systur sína og sinna henni. Hún er nú ekki alltaf mjúkhent við hann... en hann fyrirgefur henni allt... 

jæja nóg í bili... vonandi ekki löngu bili - kveðja Erla Rán