Fyrsti skóladagurinn var frabær, nema minn beið allan tímann eftir að fá að fara að læra. Afhentar voru bækur og skólastofurnar sýndar. Jónatan vaknaði kl 8 og horfði á eina mynd áður en haldið var í skólann. Ég var búin að velja á hann ný föt sem hann átti að fara í. En hann var fljótur að klæða sig í skærgræna brats peysu sem hann endilega vildi kaupa  á Rauðakrossmarkaðnum og götóttar gamlar buxur. Hann harðneytaði að fara í fínu fötin, sagði að þau væru of krúttileg fyrir skólastrák!! En ég vann fyrir rest eftir miklar rökræður. En svo er bara að vakna kl hálfátta í fyrramálið og drýfa sig í lærdóminn!!!!

Hver var að tala um að vera duglegri við að bloggga??' Jú hún ég!

Allavega hér kemur ný færsla.

 Við fjölskyldan brugðum okkur af bæ sl. helgi og fórum í höfuðstað norðurlands. Viktor Breki var að keppa á Goðamótinu með Fjarðarbyggðarliðinu. Við enduðum á gistiheimili eftir að vera búi8n að fá íbúð hjá stéttarfélaginu mínu. Hringt var í mig hálfum sólarhring áður en við áttum að fara inn í íbúðina og þá var okkur tilkynnt að vatnslögn hefði sprungið og íbúðin væri ekki fólki sæmandi eins og væri. Við vorum á Gulu villunni og það var bara fínt. Fyrir utan að dvölin kostaði litlar 25.000 í þrjár nætur í einu herbergi, í stað þess að íbúðin hjá stéttarfélaginu hefði kostað 6000 kr. En við nutum helgardvalarinnar eins og best var á kosið. Horfðum á prinsinn spila, hittum svo Daníel minn stóra. Hann var staddur á Akureyri með pabba sínum og hans konu. Daníel hafði reyndar ekki mikinn áhuga á boltanum frekar ein Jónatan litli minn. En þetta púslaðist allt einhvernvegin saman.

Við hjónin áttuðum okkur á því að við fjölskyldan höfum ekki eytt einum einasta degi saman utan heimilissins, þe. farið í frí utan dagstúra síðan Viktor var sex ára. Athugið að hann er núna á tólfta ári! Við höfum að sjálfsögðu farið í Atlavík og smá skreppitúra að sumarlagi og við hjónin höfum einu sinni farið erlendis þá í fjóra daga fyrir fjórum árum síðan.

Yngsti prinsinn fékk svo alla athygli foreldranna síðasta sólarhringinn. Viktor fór með pabba sínum suður við jarðaför ömmu sinnar og við hjónin eyddum HEILUM degi saman með litla prins. Við fórum í sund, fórum í gæludýrabúð, fórum í göngutúr í bænum, keyptum okkur Hlölla og enduðum svo í bíó.. Greinilega var þetta mikið upplifelsi fyrir lítinn dreng sem fer nánast aldrei út fyrir sitt nánasta umhverfi. Í hléinu í bíóinu þegar þeir feðgar brugðu sér á klóið, þá segir sá stutti:Pabbi, þetta er besti dagur ævi minnar.Úppps, það er spurning að taka ekki vinnuna og daglegt amstur fram fyrir allt. Smá tveggja daga skreppitúr  út úr rútínunni er nauðsynlegur. Við enduðum svo reysuna á að fara í jarðböðin á Mývatni þótt að það væri komin háttatími fyrir lítinn stubb. Dúlluðum okkur þar í sælunni fram undir myrkur og héldum svo ferðinni áfram heim í gamla kotið okkar.. En þrátt fyrir allt, þá var það bara best að komast heim aftur!

Hæ, kæru vinir.. Það er langt síðan ég hef kíkt á þessa heimasíðu yngsta sonar míns..

Ég ætlaði að hætta með hana, en ég ætla að reyna í það minnsta að halda henni uppi þangað til hún rennur út.. þ.e.a.s. áskriftin. Margt og mikið hefur drifið á daga minnstamanns sem er að skríða í að verða fimm ára.  Hann er ofsalega duglegur drengur, bara í öllu sem hann gerir. Hann er mjög trúaður á guð  (ekki að innprentan foreldranna) Þótt við höfum vanið okkur að fara með bænir fyrir hann fyrir svefninn. Rútínan hans fyrir svefninn er :

Faðirvorið, ó, Jesú bróðir besti. Kross á maga: í nafni guðs föðurs.. kross á enni: í nafni guðs föðurs, kross á enni, bringu og tær,:í nafni guðs föðurs.. og svo fyrirbænir fyrir fjölskyldu og vini,,, Guð á að passa að allir hafi nóg að bíta og brenna og allir í fjölsk. séu heilsuhraustir os.frv.Þetta er rútína þeirra feðga. Ég er ekki nógu góð að fylla upp í skarðið ef pabbin , einhverrahluta vegna getur ekki svæft, og þá er grátur.lPabbi er bestur í as svæfa, sí hann kann so falleg ors...

En kæru vinir, okkar jól og áramót hafa verið hin fínustu, ég eignaðist meira að segja lítinn BRÓÐIR á gamlársdag!!!

Geri aðrir 35 ára betur! Já hann pabbi gamli er ekki dauður úr öllum æðum... Hann á yndislega konu frá Cabu werde og þau eignuðust lítinn dreng á gamlárs.. Ég læt fylgja með myndir af prinsinum nýfædda.