Ég heiti Guðný Sigurrós og ég er heimsins mesta krútt
Velkomin á heimasíðuna mín! Ég hef ákveðið að prufa að læsa síðunni minni. Það er ekkert mál að skrifa mömmu minni línu og fá lykilorðið.


Um mig:
Ég er fædd 30 júlí 2003 í Hunan héraði í Kína.
Ég hitti mömmu mína og pabba þann 6 desember 2004.
Mamma mín heitir Sigurrós og pabbi minn heitir Jóhann
Stóra systir mín heitir Þórhildur og hún er 21.árs, hún á svo lítin strák sem heitir Frosti Sævar og hann er algjört krútt. Hundurinn minn hún Kotra tilheyrir líka fjölskyldunni.
Ég er algjörlega ómótstæðileg mikið sjarmatröll og fjölskyldan mín sér ekki sólina fyrir mér. Þau segja að ég sé litla kraftaverkið þeirra.

Ég er lítið ljón, en svo er ég líka geit,
því ég er fædd á ári geitarinnar.




Annað:
Svona til að gera langa sögu stutta þá var það þannig að mamma mín og pabbi ákváðu árið 2002 að ættleiða barn. Það var svo þann 27 október 2004 klukkan 12,05 að þau fengum að vita að þau ættum mig, litla yndislega dóttir úti í Kína. Guðrún hjá íslenskri ættleiðingu hringdi í mömmu í vinnuna og allar stelpurnar sem mamma vinnur með biðu með öndina í hálsinum fyrir utan skrifstofuna á meðan hún talaði í símann. Guðrún sagði: Til hamingju þú átt litla dóttir í kína. Hún sagði henni svo að ég væri fædd 30 júlí 2003 og að þau yrðum að koma á skrifstofuna til að nálgast myndir af mér og nánari upplýsinga. Mamma flýtti sér að hringja í pabba og segja honum fréttirnar og fór svo út af skrifstofunni þar sem hópur kvenna beið og spurði: Var þetta rétta símtalið, mamma snökti já og fór heim hringdi í Þórhildi og svo fóru mamma og pabbi að sækja pappírana og myndirnar af mér. Um leið og þau sáum myndin af þessari litlu stelpu sáu þau að ég var engin önnur en Guðný Sigurrós sem þeim þótti vera lang fallegasta og skemmtilegasta barn í öllum heiminum og þau elskuðu mig út af lífinu frá fyrstu mínútu. Nafnið mitt var samt leyndarmál þangað til að þau fengu mig í fangið. Ég gekk undir mína kínverska fallega nafni þangað til. Í Kína hafði ég fengið nafnið Baiyun Chang. Chang þýðir eylíft eða að eylífu. Bai merkir hvítt og Yun merkir blóm. Ég er yndislega falleg stelpa, á pappírum um persónueinkenni mín er mér lýst sem þægilegri, brosmildri og skapgóðri stúlku, sem sagt lýsing af besta barni í heimi. Mamma og pabbi fóru til Kína að sækja mig og lögðu af stað 1 des 2004.
Þann 6 des. 2004 var loksins komið að því. Stóri dagurinn runninn upp. Mamma og pabbi vöknuðu kl 5.00 með stóran hnút í maganum. Kl 10 vorum þau komin á ættleiðingarskrifstofuna. Þeim skildist að þau ættum að fara upp á þriðju hæð og fara þar inn í biðstofu og síðan yrði kallað á hver hjón fyrir sig. Þegar þau svo komum inn í biðstofuna var hún full af grátandi fólki frá Bandaríkjunum með grátandi börn, og það sem meira var, þarna inni voru líka fóstrur með okkur. 5 yndislegar stúlkur sem ætluðu að eignast þessa íslensku foreldra. Þau urðu öll alveg ringluð. Allir þekktu dætur sínar en voru svolítið óörugg vegna þess að þau héldum að við væru ekki inni í þessu herbergi. Síðan var nafnið mitt kallað upp og þau sýndum boðsbréfin og vegabréf og fengu mig í fangið. Þetta var mjög löng meðganga en fæðingin gekk ótrúlega hratt fyrir sig. Ég grét í eina mínútu og var svo hin rólegasta en foreldrar mínir grétu aðeins lengur en ég. Fóstrurnar fengu gjafir og við fórum heim á hótel. Eftir að við komum upp á hótel lék ég á alls oddi hló og skríkti, mamma og pabbi vorum eiginlega orðin hálf áhyggjufull yfir því hvað þetta gekk vel og ég grét ekkert. En síðan eftir hálftíma bros og hlátur varð ég mjög óörugg með mig og grét sárt. Ég var svo mjög vör um mig og svitinn lak af mér. Það tók mig nokkra daga að ná áttum en í dag er ég fullkomlega sátt við lífið. Ég kom svo heim til stóru systur 17 des. 2004. Mamma, pabbi og stóra systir mín hún Þórhildur segja að ég sé ólýsanlega yndisleg.
Þú ert gestur nr. 27511