 |
    |
|
Um mig:
Þann 20. nóvember 2006 komust mamma og pabbi að því að ég væri búin að koma mér fyrir í bumbunni :)
Þau voru alveg rosa spennt enda búin að bíða lengi eftir mér. Ekki er ég hissa á því þar sem ég er æðislegust:D 
Ég valdi fimmtudaginn 26. júlí 2007 til þess að koma í þennan heim. (Var áætluð 28. júlí) Það var í Hreiðrinu á Landspítalanum klukkan 14.28. Ég var 53 cm og rétt rúmar 14 merkur eða 3565gr. :) Daginn eftir fórum við svo til Keflavíkur þar sem við vorum 2 nætur á sjúkahúsinu þar. Svo eftir að ég varð 3ja sólahringa gömul, sunnudagseftirmiðdaginn 29. júlí 2007, og búin að fara í blóðprufu, þá fórum við heim í litla kotið okkar :)
Þann 22. ágúst 2007 var ég skírð Kristbjörg Anna á 24ra ára afmælinu hennar mömmu minnar (",) Ég er skírð Kristbjörg í höfuðið á langafa Eyjólfi Kristni og langömmu Gunnu (Guðrún Þórhildur Björg). Svo er ég skírð Anna í höfuðið á langömmu Önnu Erlu. Mamma mín heitir Berglind Arna (fædd 1983) og pabbi minn heitir Kristinn Örn (einnig fæddur 1983). 
Þar sem ég er fædd 26. júlí er ég ljón: 23. júlí - 22. ágúst Konungurinn í frumskóginum er mættur og vill einmitt vera meðhöndlaður í samræmi við tign sína. Litla ljónið þarfnast athygli (við erum að tala um að vera alltaf miðdepill athyglinnar!) og vill láta taka eftir sér og láta dást að sér. Það getur verið mikil vinna að eiga börn í ljónsmerkinu. Börnin eru oft hávaðasöm og mjög opin í tjáningu. Ef barnið er ánægt er það yndislegasta og fallegasta barn í heimi en ef það er óánægt öskrar það og lætur öllum illum látum. Heimilislífið kemur til með að snúast mikið í kringum kraftmikinn ljónsungann sem getur verið mjög stjórnsamur og frekur. Það þýðir ekki að segja ljóninu að læðast meðfram veggjum því slíkt er andstætt eðli þess og er ekki til annars en að brjóta það niður. Vingjarnleg ákveðni er það sem dugar best. Ljónið er merki stjórnunar og foreldrar þurfa að virða þörf þess fyrir persónulegt sjálfstæði og því er gott að fela því snemma ábyrgð. Mikilvægt er að kenna því að taka tillit til annarra. Það þarf að taka tillit til þess í uppeldi að ljónið er einstakt og veita því athygli, hvatningu og ekki síst að hrósa því þegar það hefur gert eitthvað jákvætt. 
|
|
|
|
Annað:
Hér er ég ásamt litla bróður mínum.
Mamma og pabb komust að því að hann væri kominn í bumbuna hennar mömmu 21.mars 2011. Hann var áætlaður í heiminn 18. nóvember 2011. Hann lét bíða eftir sér í viku og fæddist því 26. nóvember 2011, hefur bara viljað eiga 26. sem afmælisdag eins og systir sín. ;) Það var í kósý baðinu á HSS í Keflavík kl 1.13. Hann vóg 3885 gr. (tæpl. 16 merkur) og mældist 52 cm. Mamma, pabbi og litli bróðir voru á HSS síðan næstu 36 tímana og voru því komin heim uppúr hádegi sunnudaginn 27. nóv. 2011. Svo fengum við ljósmóðurina Steinu Þóreyju (sem mamma var hjá í mæðravernd og tók líka á móti litla bróður) í heimaþjónustu til okkar á hverjum degi næstu vikuna. 
Bangsaból-dagvistunin mín
|
| Þú ert gestur nr. 15417 |
