Vorum að setja inn myndir úr myndatökunni sem við fórum í fyrir jólin.

Halló Halló

Mamman var að henda inn nokkrum áramóta og janúar myndum á síðuna. 

Árið hefur byrjað frekar furðulega hjá okkur, heilsulega séð.  Öll fjölskyldan fékk ælupestina sem var að ganga hérna í byrjun janúar.  Mamman og börnin fengu svo streptokokka og sýklalyf við því um miðjan janúar (reyndar var pabbinn nú sennilega líka með þetta, allavega að drepast í hálsinum í marga daga)  Mamman fór svo í hnéspeglun 21. janúar og er enn heima að jafna sig eftir það og er hún svo aftur komin með streptokokkana.

Annars gengur allt sinn gang hérna... börnin ánægð í skólanum.  Elísa Maren hefur því miður lítið komist á skíði þar sem snjórinn er farinn úr fjallinu. En það snjóar úti núna þannig að kannski verður hægt að opna aftur fljótlega.

Vilmar Óli stækkar og stækkar og hermit allt eftir sem sagt er við hann.  Hann getur sagt ótrúlega mörg orð.  t.d. kann hann að segja :
úpa=súpa, dekka=drekka, barka=sparka, íínbe=vínber, banani, epli, Hanna, enena=Helena, inní, dudda, dýndur=týndur, ava=sími (var mynd af afa hans á símanum hennar ömmu), undur=hundur, andaína=mandarína
busta(bursta tennur)

Hann er svo alveg ávaxta óður og finnst ekkert betra en mandarínur, vínber og kíwí. 

Börnin fengu að vera á Akureyri Þorrablótshelgina hérna, þar sem foreldrarnir voru í nefnd og voru mjög lítið heima.  Skruppum svo aftur norður um síðustu helgi.

jæja látum þetta nægja í bili.

Kv EMR og VÓ