Halló kæra fólk

Fyrst verð ég að byðjast afsökunar á því að ekkert hefur verið skrifað hérna síðan eftir skýrnina mína.  En faðir minn tók það að sér að rita fyrir mig og hann þykist hafa haft svo mikið að gera að ég hef setið á hakanum.  Við skulum svo sjá hvort að hann fari að forgangsraða betur enda nýtt ár að fara að koma og ég er orðin mikið fyrirtæki :)

Nú ef við hlaupum hratt yfir sögu þá hef ég stækkað og dafnað vel.  Fjölskyldan átti gott sumar á Dalvíkinni en einnig fórum við í sumarbústað í júní og það var alveg voðalega gaman.  Þar hittum við ömmu og afa frá Hfj, fórum í pottinn o.fl o.fl.

Ég fékk fyrstu tönnina mína í september og núna er ég komin með þrjár og byrjuð að borða grauta og fleira góðgæti.  Mamma stefnir að því að ég minnki að vera á brjósti en ég er nú ekkert til í það :)  Í morgun fór ég í fyrsta skiptið til dagmömmu, en það var bara stutt aðlögun með mömmu og Huga Baldvini.  Ég byrjaði að skríða í lok október og er nú farin á fullt og labba með veggjum, húsgögnum og öllu sem ég næ í.  Þá má kannski nefna að ég er flutt á nýjan stað og komin með sér herbergi en ég er nú ekkert þar.  En mér skilst að ég eigi bráðum að fara að sofa í herberginu og hafa dótið mitt þar.

Rétt fyrir jólin fórum við suður í heimsókn til ömmu og afa og náði ég að bræða alla sem ég hitti úr hrifningu.  Stefnan var að hitta miklu fleira fólk, en tíminn var stuttur og svo nældi ég mér í hlaupabólu, sem bróðir minn smitaði mig af og breytti aðeins skipulaginu.  En jólin voru góð og ég fékk fallegar gjafir, við vorum hjá Ömmu og afa á Dalvík um jólin.

Núna er ég bara að bíða eftir nýju ári og vona að það leggist vel í mig og alla.

Jólakveðjur,

Eyrún Hekla og fjölskyldan.