 |
| Við erum Alísa Ruth og Krister Frank! |
|
|
Um okkur:
Þann 24. september 2002 kom Krister Frank í heiminn,
en þá voru mamma og pabbi búin að bíða eftir honum í heila viku. Mamma heitir Dagný og pabbi minn Andri og er hann þeirra fyrsta barn. Þegar hann fæddist var hann 16 merkur og 53 cm, með mikið svart hár og brún augu. Fljótlega fékk hann viðurnefnið "Kútur", sem á mjög vel við hann og fylgir honum enn í dag :) Krister Frank er líka mjög skýr og skemmtilegur strákur, heillar alla sem hitta mig upp úr skónum ! Þann 14. desember 2005 eignaðist Krister Frank svo litla systur, Alísu Ruth, en hún er algjör prinsessa. Þegar hún fæddist var hún 15 merkur og 52 cm, með dökkt hár og brún augu. Alísa Ruth er algjör snúlla, veit alveg hvað hún vill en er samt mjög róleg og góð. Þá er stutt í brosið hjá henni, er alltaf kát og glöð - svo lengi sem hún fær nóg að borða ;) Við erum ekkert smá góð saman, erum alltaf að knúsast og kyssast - enda erum við svvvvooo yndisleg. Við ætlum að deila þessari síðu saman - endilega mundu eftir að kvitta fyrir komuna í gestabókina okkar :) Lykilorðið að læstu síðunum er nafnið á bænum sem við búum í ;o) |
|
|
Annað:
Pabbi okkar og amma Stína voru viðstödd þegar
Krister Frank fæddist. Er hann fyrsta barnabarn í báðum fjölskyldum, þannig að það biðu allir mjög spenntir eftir að hann kæmi í heiminn. Pabbi var viðstaddur þegar Alísa Ruth kom í heiminn, en hún var nú heldur meira að flýta sér en bróðir hennar. Hún fæddist rétt fyrir hádegi - eða kl. 11.55 - og var næstum því búin að skjótast í heiminn í sjúkrabíl á leiðinni í bæinn ! 
VOGIN - KRISTER FRANK 23. september - 23. október Börn í vogarmerkinu eru oft glaðleg og broshýr og eru oftar en ekki börnin sem fá bros frá hinum sem bíða á biðstofu læknisins. Þau eru sjarmerandi og heilla aðra upp úr skónum. Félagslyndi einkennir vogina frá fyrstu tíð og litla vogin elskar að hafa margt fólk í kringum sig. Vogarbarn sem þarf að búa við einangrun getur orðið geðstirt, innhverft og óöruggt en þegar allt leikur í lyndi er það opið og hresst. Vogin á mjög erfitt með að gera upp hug sinn og virðist oft hafa lítinn viljastyrk. Þess vegna er mikilvægt að foreldrar hjálpi voginni að rækta með sér sjálfstæði og ákveðni meðal annars með því að fela henni ákveðin verkefni sem reyna á ákvarðanatöku. Líklegt er að Vogin spyrji álits og því er hægt að svara með því að spyrja: "Hvað finnst þér?" Síðan þarf að gefa henni næði til að vega og meta hlutina áður en hún tekur ákvörðun. Vogin er listræn í eðli sínu og mikilvægt að hlúa að þeim eiginleikum og skapa henni aðstöðu til að þroska listræna hæfileika sína. BOGMAÐURINN - ALÍSA RUTH 22. nóvember - 21. desember Lítill fjörkálfur hefur litið dagsins ljós. Bogmannsbarnið er að öllu jöfnu glaðlegt og jákvætt og þægilegt í návist. Það þarf mikla hreyfingu og líklegt er að það fari snemma að ganga og skoða heiminn því bogmaðurinn er merki ferðalaga og strax í bernsku birtist þörfin fyrir ævintýraferðir af ýmsu tagi. Litlu bogmannskrílin þurfa að hafa gott pláss til að hreyfa sig en ef þau fá ekki útrás fyrir orku sína verða þau eirðarlaus og uppstökk. Bogmenn hafa yfirleitt yndi af íþróttum og hið dæmigerða bogmannsbarn er iðulega á kafi í alls konar íþróttaiðkunum. Listin að ala upp bogmann er fólgin í því að finna jafnvægi á milli frelsisþarfar annars vegar og ábyrgðar-kenndar og aga hins vegar. Foreldrar ættu að veita honum aðhald og venja hann á að ljúka því sem hann er að fást við áður en hann byrjar á nýju verki. Hann á það til að vera mjög fljótfær og nokkuð kærulaus og því þarf að hjálpa honum að þroska með sér dómgreind og skynsemi. Bogmannsbarnið verður mikið á ferðinni og um leið og það fer að komast sjálft ferða sinna leggur það í ferðalag um nágrennið og síðan lengra þannig að það getur verið erfitt að hafa stöðugt augun á þessu barni. Góða ferð. ÞAÐ LÆRA BÖRN SEM ÞAU BÚA VIÐ Það barn sem býr við hnjóð, lærir að fordæma. Það barn sem býr við hörku, lærir fólsku. Það barn sem býr við aðhlátur, lærir einurðarleysi. Það barn sem býr við ásakanir, lærir sektarkennd. Það barn sem býr við mildi, lærir þolgæði. Það barn sem býr við örvun, lærir sjálfstraust. Það barn sem býr við hrós, lærir að viðurkenna. Það barn sem býr við réttlæti, lærir sanngirni. Það barn sem býr við öryggi, lærir kjark. Það barn sem býr við skilning, lærir að una sínu. Það barn sem býr við alúð og vináttu, lærir að elska. |
| Þú ert gestur nr. 28411 |